Jivo Sant

[VERSE 1]
Ghatki mornan paloili, nirmoll vath amchea mogachi
Darunn tarik 1997 panchvi Setembrachi
Mother Terez sonvsar roddlo aikon khobor hi dukhachi
Adeus korun sonvsarak geli maim goribanchi

[Chorus 1]
Bhurgeach ponnar riglo tujea kallzan mog gorib-piddestancho
Rosteacher poddlolea moroncheak soddlolea mog tuka tancho
Vavrak tujea chodd ojeaptalo lok ak’kea sonvsaracho
Sovostkaiechea anjeak roddtat lok aiz Calcutta cho

[VERSE 2]
Bhirankul duensan bhorleleanchi xeva kori
Mogan kuson sonstin sandleleank maim tum vengen dhori
Moronk rostear sandleleam bhurgeanchi tum apurbai kori
Mog tancho korun hath dhorun ghor tujem bhori

[Chorus 2]
Vakanddunk vavr tuzo vhoddlo-vhoddlo lok tuka mevon gelo
Pap Saib vo President dotor vo engineer pollovn ojeap zalo
Ojeapancho khalto vavr tuzo kallzan chapun tannim velo
Vakanddnnim divnk Bharat Ratna ani nobel prize dilo

[VERSE 3]
Gorib-girest roddtat geli mhunnon tanchi mogall savlli
Dhorun aple kuxik dukam puxi te maink devan veli
Goribantlea goribak vengovnk tum maim zolmoleli
Moipas kitem sovnsarak xikovn tum devager geli

[Chorus 3]
Tum moron sonvsaran mog unno zalo disti poddta amkam
Kottinim lok sonvsaracho nimnno adeus korun golloi dukam
Tuvem kel’leo milagri porzolltat provar korunk anik nakam
Dekun morchea adim jivo sant mhunno tukam
Dekun morchea adim jivo sant mhunno tukam
Borem magon daddteli mhunn asa khatri amkam

To find lyrics to more Konkani songs, click here.