Dotorancho Dotor

Song: Dotorancho Dotor
Singer: Alfred Rose

[VERSE 1]
Kantorist hea palkacho, lok taka vollkotalo
Palkar kantaram korun, lokak khuxeal dhortalo
Thoddim vorsam zalim passar, auchit obsoeg ghoddlo
Palkar kantar kortanam, avaz tacho bond zalo

[Chorus 1]
Vhoddlea dotoraxim gelea uprant, kuddik tache suntlo xello gamm
Talleacho cancer zala mhunn, sanglem dotoran
Kantar korunk zanvchem nam, ulounk passun zanvchem nam
Devan dilolo avaz, anik aikonk meucho nam

[VERSE 2]
Cancer boro zanv nezo, Dotoran taka sanglem
Sangnnem aikona fuddem, hem kalliz tachem roddlem
Kantaram korun tannem, aplem jivit sarlelem
Talleacho cancer zaun, sogllem sukh tachem somplem

[Chorus 2]
Bomboi breach candy mhunnta thoimsor
Assa eok famad dotor, to dotor boro korta ghott bhavart assot tor
Taka dotoraxim velo, tallo tacho dakoilo
Udok ani tel vapddun cancer tacho pigoulo

[VERSE 3]
Sant Anton ochorieancho, hem tea dotorachem nanv
Breach candyn eke garagin chollta tachem devossanv
Koslim koslim duensam kurar korta diun bessanv
Talleak cancer zalolo kantorist bhavani anv

[Chorus 3]
Duensantlo tuka boro zaunk zai tor, Sant Antonicher bhavart dor
Tera Noveana tachim khorea bhavaratan tum kor
Bhavart kallzan gheun bitor Sant Antonik fuddo kor
Sant Anton aiz zaun assa, eok dotorancho dotor
Hi milagr moje thaim ghoddlea, bhavanim ek milagr vhodd

To find lyrics to more Konkani songs like Dotorancho Dotor, click here.