Pornem Volter

[VERSE 1]
Xamaim moji bori
Mog mhozo kori
Bhavank zali nosai
Tuzo mog ti korta
Amcho korina
Uloitalet pisai
Pun hanv kitem korum
Tika fokot mhoji
asli tor apurbai?
Devan tika vheli
Ghor zalem khali
Kallzak zale ai

[Chorus 1]
Pun morchea adim tinnem oxea kelem
Ghor aplem mhojea bhavak dilem
Bhatt-bhens dusreachea nanvar kelem
Xet aslem tem bhoinnin vhelem
Bhavanchem-bhoinninchem
Kalliz khoxi zalem
mhojea tondantuch poddlem alem
Konxeak ek pornem volter aslem
Tem haddlem ani mhojea
Khoddear ghalem

[VERSE 2]
Oh kitem kortolom
Khuinsor vetolom
Bhav laglet hasonk
Bhoinn mhoji ekli
Voir kaddun tokli
Khoxen lagli nachonk
Te kenddtalet mhaka
Poieat re haka
Khuinch dinaslet vochonk
Nanv mhojem santu
Apurbaiecho natu
Volter meulam bosonk

[Chorus 2]
Tem volter mhunn saiba Kosolem
Halta dholta poi tosolem
Xamainchem kortub kosolem
Volter diunk mhaka osolem
Barik pollet zalear tem disso mottem
Tin paieani ekdom thonttem
Xamain chikann hem kelem mottem
Koslem mhojem noxib khottem

[VERSE 3]
Rag mhaka ailo
xamain mhaka
oxem kelem kett
Dhaktto mhunon hanv
Chavoitat mhaka
Zallea porim ek rat
Punn sonxi sor sonslem
Chodd zatoch tanchem
Utthlom korun ‘hett’
Volter ukollem
Zomnir marlem mhunnon
That is that!

[Chorus 3]
Te volteracho ek zalo far
Dolleancher mhojea ailo bhar
Tea volterant mista aslem bhangar
Libram ani molladik thikam chear
Tya bhair duddu hozaranche hozar
Bhav bhoinnichea tonddak zali ar
Korunk laglimmhaka nomoskar
Xamaim hikmotin borich huxear

Lyrics of Konkani song Pornem Volter by Alfred Rose

To find lyrics to more Konkani songs, click here.