Komnidadin Sobonam

Song: Komnidadin Sobonam
Singer: Alfred Rose

[VERSE 1]
Amche maim-bhaxek aiz passun konnem jivi dovorlea bhavanim
Voi team padrinim, toxich potrani, teach porim tiatristanim
Tika mannkam-motiani surngarn dovorlea gorib Goemkaranim
Thodde xinknnar toxech girest sozmotat ti kochro mhunn konkanim

[Chorus 1]
Te mhunntat amchi bhass amkam jeunk dinam, voilean gorje bailim zatat rinnam
Kitle xiknaranim girest oxem mhunntoch goribank kitem bhogchemnam
He munis amche maim-bhaxek lekinam, torui Goemkar mhunn kortat vhoddponnam
Amche maim bhaxek kikont kortele, amche komnidadin sobonam

[VERSE 2]
Nodor marun ami pollen zalear Eropeanacheam bhurgeamcher
Kitli apurbai dista pollounk, ingliz kheuleli tanche vonttacher
Punn dusre bhaxechem varem matui lagonam tancheam chintnamcher
Tedna chintanam tanchim bhurgechponnim voddonk pautat tancheach maim-bhaxecher

[Chorus 2]
Thodde maim pai bhurgeank lhanponim vaddoitat inglezin vhodde khoxen,
Konkani mhunntleli matui dakoinam Dev zannam kosole axen,
Magir bhurgim vaddon zatoch vhoddlim, tanchim chintnam zatat dusrech bhaxen,
Goeam pautoch xemai-xepai lagim ulounk zainam tokli bhagoitat lojen.

[VERSE 3]
Amchea bhurgeancher sompleli assa fuddarachi rundai lambai,
Punn tankam chodd kidd lagot fuim urlea eka borea gharachi sobai
Dekun lahnponnich tankam vaddounk zai diun maim bhaxechi apurbai
Tedna bhurgim amchim zaunk pautelim amche komnidadichi boddai.

[Chorus 3]
Kitle kauz aiz assat dolleam mukar, thodde avoi-bapui zaun Goemkar,
Mhunntat bhurgeank amcheam konkanim sozmonam, kedi vhodd loz hi chintlear,
Anv mhunnonam ingliz xikounchi nhuim, punn amchea bhaxek ghalchi nhoi kallukar,
Amche maim bhaxek veng marun voir kaddia amchem mankulem Goa xar.

To find lyrics to more Konkani songs, click here.