Khotta Kuwait

Song: Khotta Kuwait
Singer: Alfred Rose

[VERSE 1]
Khoxem ghodd lem chintunk zai nam, kiteak ghoddlem sangonk zai nam
Sopnan passun sonvsarant konnench hem chintunk nam
Him munxea chem motlobponnam, zuzarean chim nennar ponnam
Tem vorixtt zadd umtton poddot mhunn, konnench chintlem nam

[Chorus 1]
Kuwait ek zadd, bhangar chim follam aslelem
Khotta khotta, umtton podd lem
Thuimsor vochon, kitlea zanna nim noxib kelelem
Auchit kalluk, sogllem somplem

[VERSE 2]
Eok Kuwaitkar Bomboi ailo, Junea chea moineant kazar zalo
Julaiche ektisver porot to kuwait gelo
Don disa nim thuim goddbodd zalo, bailek tache doko boslo
Ti anturnar, ani tacho pai kallza cho atak zaun melo

[Chorus 2]
Khotta Kuwait, lok birantin dis sartalo
Jordan Aman Basra, babdo pollon vetalo
Jevna khannak, babddo vollvolltalo
Udkak passun khuim oroneant, pattiser zatalo

[VERSE 3]
Tantlo eklo vimanan boson, Bomboi chea airportar khuim pavlo
Aplea gorcheank apunn aila mhunn telephon korunk sodtalo
Bolsant tachea ek poiso naslo, don rupia maglear konnuch dinaslo
Xekim eka kulean taka adaar ditoch, to susegad zalo

[Chorus 3]
Duddu tache lagim, aslelet lakha nim
Sogllem soddun, ieumcho podlo meklea atha nim
Kuwait  che ganvak lagon zuz suru zaun nisson ton zalam bhav bhoinanim
Punn tunvem sovostkai keli Perpet Succor Saibinim

To find lyrics to more Konkani songs like Khotta Kuwait, click here.