Ekuch Rogot

Song: Ekuch Rogot
Singer: Alfred Rose

[VERSE 1]
Ekuch rogot amchem ekuch rogot
soimban ami veglle veglle
Ekuch rogot amchem ekkuch rogot
Kalljidar ami soglle
Amcho ekvott polloun thodde bou
Martat ujeache inglle
Tosle inglle amcher poddonam
Punn uddon vetat zaun kanvlle

[Chorus 1]
Oxem mhunnot sezarche dog bhau
Khuxeal aslo tancho sobau
Eka mekacho korit sambau
Hem polloun kurnatteank poddlet zau
Bhavancho mozbut ekvottach
Ganvank zalolo bobau
Tancho ekvott toddchea pasot
Tanchea monan rigoilo dubau

[VERSE 2]
Dhaktea bhavan vhoddlea bhavak sanglem
Gharache koria vantte
Vhodlea bhavan vhodlo vantto maglo
Vantteani poddle kantte
Dogui, dogam advogadank meulet
Axek fut’tokoch fantte
Dogui advogad khoxen murgottlet
Pageran poddlet mhunn xeutte

[Chorus 2]
Dogui advogad ixtt ghuttache
Dogui duddvamche axeche
Pagern poddtoch xeutte taje
Nagounk te sodtat poixe bhavanche
Eklo advogad vhodle bhavak sangta
Donui vantte anv ditolom tuje
Chitt hi voron dusre advogadak dhi
Vande koria tujea bhavache

[VERSE 3]
Ohhh vhoddlo bhav aplea ixttak meuta
Sang ixtta kitem koria
Ixtt tancho tanchem karbar chinta
Chitt ugtti korun vachia
Chitt ugti kortoch tankam gomta
Magir uchamboll chintnacho doria
Chittir boroilam hea dog bokdde meuleat
Tancheo katti ami kaddia

[Chorus 2]
Oxem zait mhunn dogui bhav nokot
Zogddonk sodi lokot lokot
Bhavponn tachem vetem aslem sukot
Punn dolle ugtte zale poddtoch vokot
Lokacheam sangnneamcher pationchem nhoim
Lok bhavank zaitench sangot
Thondar ulounchem, monan nhoi dorchem
Bhavanchem ekkuch rogot

To find lyrics to more Konkani songs, click here.