Singer & Lyrics : Myron Shawn Correia
[VERSE 1]
Poilech nodrek ek chedu monant gele
Tachea mogan hanv sarko zalo piso
Sodanch asheun hanv ravtallom
Taka sangatllom mhun
Mog korta mhunn hanv tacho
Ektoch boson tachech hanv chintallom
Chitun chintun ektoch hanv hanstallom
Sodanch deva laagi hanv magtallom
Mog zalear puro mhunn amcho dogaincho
[Chorus 1]
Mogan…tujea zalo piso
Tonddar…tujea sodanch hanso
Sangonk hanv poroztallo mog korta mhun go tuzo
[VERSE 2]
Kednach visorchona poilo mog amcho
Sodanch osoch urcho dogaincho
Mogan kosli tufana ailear passun
Sangatan fuddo korcho
Aadhar gheun Devacho
Sodanch dogai mogan ami bhovchi
Ekamekak ami viswashi ravchi
Chitleli chintna amchi puri korchi
Ek novo gorabo fudarak ghodovn hadchi
[Chorus 2]
Voi tu.. Mojea mogache
Sodanch apurbaiche
Sundar tujea galaacher ani tu mojea kallzacher
[VERSE 3]
Sobit dennem tum aka dila Devan
Sambavtollom tuka dhorun gopant
Jivit mojem sarunk zai tujea sangatan
Sodanch hanv magta mojea rozaran
Doxim korunk sodhteli dusmaan
Bhiyenakai haat di mojea hataant
Nirmilla tuka mojea noshibant
Vhoronk zavchena Moga konachyan
Kalliz tukach bhettoilam
Utrani mojean sangok zavchena dekhun
Mogan he kantar tukach boroillam
[Chorus 3]
Sodanch… ravtollom viswashi
Vavurtollom korunk tuka dhadoshi
Hanv raza ani moga tu ranni mhoji
Sodun vechona godi laglya tujea mogachi
To find lyrics to more such Konkani songs, click here.