Song: Kortubam Dogaimchim
Singer: Alfred Rose
[VERSE 1]
Zaite pautti ami anga aikotam, kantaram cheddvam voir ghoddlelim
Dakoun tanchim tim vankddim kortubam, tankam khalteponnan ghalelim
Hem aikotoch thoddeam cheddeachim kallzam, distat khuxalkaien bhorlelim
Punn cheddeank nakat aplim kortubam, ami dakoll kelelim
[Chorus 1]
Je porim sobit ful fulta, pormoll soglleak zata, to addaunk zainam
Punn ek cheddum chukon poddot, ganvan khobro zatat, lipon uronam
Cheddean kitem kelear cholta, kortub tachem konnak gomonam
Dekun cheddvakuch xiddkaitat, cheddeak konn xiddkainam
[VERSE 2]
Hem soglem aikotoch amkam disonk zai, cheddvamach mhunnon vhodd guneavkari
Guneavkar konn, ami sogllem chintunk zai voi to dadlo vo ti ostori
Dogaimchim kortubam tagden zokunk zai, tedna ti nith zaun ieta khori
Ekleachinch kortubam zokun poitai, punn hi nitt nhuim puri
[Chorus 2]
Ek cheddum cheddeak buloita, punn taka dukoita, porva korinam
Haka dor taka sodd korta, zaitich mouza marta, fuddar pollenam
Tosoch cheddo hakai naddta, takai naddta, punn kazar zainam
Him kortubam tagden zoklear kainch difference dischemnam
[VERSE 3]
Amchem povitr puran amkam xikoita, Even khUim Adanv Bapak naddlo
Ostorek lagon itihas dakoita, Razan pasun aplo throne soddlo
Amchea Goeam aslo famad Kustoba, takai ostore vorvim dhorlo
Hem soglem vachtoch dadleank dison ieta inocent koso daddlo
[Chorus 3]
Sonvsarchi sonvi zalea, fokot dakounk kortubam ostoreamchim
Punn kortubam ekttaim korun, ekech tagden zokun poilear soglleamchim
Zanv ti dadlea ostorechim vo cheddeachim vo cheddvamchim
Zatelim ekach voznachim kortubam dogaimchim
To find lyrics to more Konkani songs , click here.